Татарстанда алмашынучан болытлы һава торышы көтелә һәм көндез +13 градуска кадәр җылыта
Бүген Татарстанда алмашынучан болытлы һава торышы фаразлана, явым-төшем көтелми.
Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.
Төнлә һәм иртән урыны белән томан күзәтеләчәк. Төньяк-көнчыгыштан секундына 3-8 метр тизлектә җил исә.
Төнлә минималь температура −1..-6 га, ә көнчыгыш районнарда урыны белән −10 градуска кадәр тәшкил итсә, көндез термометрның терекөмеш баганасы +4..+9 градуска, көнбатыш районнарда урыны белән +13 градуска кадәр күтәреләчәк.
Юлларда төнлә һәм иртән урыны белән көчле бозлавык барлыкка килүе ихтимал.
Чыганак: «Татар-информ»
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев