Татарстанда яңгырлар, көчле җил һәм +14 градуска кадәр җылы булуы көтелә
Татарстанда бүген бераз җылыну көтелә, әмма һава торышының тотрыксыз булуы үзгәрмәячәк.
Бу хакта ТР Гидрометеорология үзәге хәбәр итә. Республикада аязучан болытлы һава көтелә. Тәүлекнең якты вакытында бөтен төбәктә, Казанны да кертеп, бераз яңгырлар ява башлаячак.
Көчлелеге 7-12 м/с булган көньяк җиле фаразлана. көндез ул урыны — урыны белән 15-20 м/с ка кадәр көчәячәк. Көндез Татарстан буенча һава +9, +14 градуска кадәр җылыначак.
Синоптиклар мәгълүматларына караганда, апрель ахырында республикада уртача температура климатик нормадан өч градуска түбәнрәк булачак.
Чыганак: «Татар-информ»
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев