Татарстанда иртәгә томан һәм көчле җил көтелә
28 майда Татарстан территориясендә, шул исәптән Казанда, секундына 15-20 метр тизлектә көчле җил һәм томан көтелә.
Бу хакта Россия Гадәттән тыш хәлләр министрлыгының ТР буенча Баш идарәсе хәбәр итә.
Төнлә һәм иртән томан булачак, ә көндез көнбатыштан исүче җилнең көчәюе көтелә. Һава торышы начар булу сәбәпле, Гадәттән тыш хәлләр министрлыгы республика халкына куркынычсызлык чаралары турында искә төшерә: реклама такталары, юл билгеләре, агачлар һәм электр линияләре астында качарга ярамый.
«Урамнар һәм юллар буйлап йөргәндә сак булыгыз. Балаларны караусыз калдырмагыз, өлкәннәргә һәм авыруларга ярдәм итегез. Ашыгыч хезмәтләр телефоны 112», — диелә хәбәрдә.
Чыганак: «Татар-информ»
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев