Халык ышанычын яулаган партия

Шул уңайдан партиянең Кайбычтагы җирле бүлеге секретаре Альберт Рәхмәтуллин бердәмроссиялеләргә котлау сүзләре белән мөрәҗәгать итте.

«Бердәм Россия» Бөтенроссия сәяси партиясенең туган көне уңаеннан партия әгъзаларын, тарафдарларын, яшь гвардиячеләрне һәм партия өчен тавыш бирүчеләрне чын күңелдән котлыйм!«Бердәм Россия» партиясе илебездә яшәүчеләр файдасына иң катлаулы мәсьәләләрне хәл итәргә сәләтле, битараф булмаган кешеләрне берләштерә. Партия даими рәвештә заман таләпләренә җавап бирү өчен модернизацияләнә, кешеләрнең тормыш сыйфатын күтәрүгә юнәлдерелгән яңа проектларны гамәлгә ашыра. Һәр кешенең, һәр муниципалитетның мәнфәгатьләрен, хокукларын яклау буенча партия позициясен район халкының күпчелеге күрә һәм бүлешә. «Бердәм Россия» партиясе үзенең туган көнен җәмәгать кабул итү бүлмәсендә, муниципаль берәмлекләрдә, урыннарда узачак гражданнарны киңәйтелгән кабул итүләр белән билгеләп үтә. Партиянең абруе, аның алга таба уңышы күп очракта партиянең гади әгъзаларына, аларның энергиясенә, көченә, уртак идеалларга тугрылык һәм ихлас патриотлыкка бәйле. Без бергә авырлыклар булмавын исбатлыйбыз. Махсус операция башланганнан бирле, бөтен көч анда катнашучыларга һәм гаиләренә ярдәм күрсәтүгә юнәлтелә, даими рәвештә гуманитар йөк җибәрелә.Хөрмәтле партиядәшләр, фикердәшләр һәм хезмәттәшләр! Сезнең барыгызга да ныклы сәламәтлек, бетмәс-төкәнмәс энергия, эшләрегездә уңышлар, гаилә бәхете телим. Киләчәгебез якты һәм тагын да ышанычлырак булсын!