Хөрмәтле медицина хезмәткәрләре, озак еллар намуслы хезмәт куеп, ялга чыккан ветераннар!

Гөлнара Сафиуллина, район үзәк сырхауханәсенең баш табибы һәм медицина хезмәткәрләре профсоюзы: 

Хөрмәтле медицина хезмәткәрләре, озак еллар намуслы хезмәт куеп, ялга чыккан ветераннар! Табиб һөнәре тулысынча кешеләргә хезмәт итүгә багышланган. Ул Гиппократ антына тугрылык һәм киң белемнәр генә түгел, ә сизгерлек, сабырлык, күңел ныклыгы һәм мәрхәмәтлелек тә таләп итә. Без вакыт белән дә исәпләшмичә, кешеләргә тормышларының иң авыр мизгелләрендә ярдәмгә ашыгабыз. Коллективыбыз өчен мөһим бурыч булып халыкка диспансеризация үткәрү тора.
Ветераннарыбызга һәм остазларыбызга аерым рәхмәт сүзләрен җиткерәсебез килә. Без сезне хөрмәт итәбез һәм кадерлибез.
Бәйрәм көнендә барыбызга да ныклы физик һәм рухи сәламәтлек, озын гомер, мәхәббәт телибез. Башкалар турында көн саен кайгыртуда сәламәт һәм шат күңелле булып калырга көч җитсен. Сезгә һәм гаиләләребездә тынычлык, җылылык һәм иминлек хөкем итсен. Бәйрәм белән!