Хөрмәтле православие динен тотучылар!

Александр Иванов, «Август Кайбыч» җәмгыятенең генераль директоры: 

Хөрмәтле православие динен тотучылар! Изге Троица — халык йолалары һәм чиркәү кагыйдәләре белән үрелгән православие бәйрәмнәренең берсе. Аны һәр дини кеше куанычлы хисләр белән каршы ала — бу көнне үз якыннарына игелек кылырга, яратуын белдерергә, күңелен сафландырырга тырыша. Изге Троица яхшылыкны, мәрхәмәтлекне һәм рухи чисталыкны символлаштыра. Бу бөек бәйрәм туганлык хисләрен ныгытырга, арабыздан киткәннәрне онытмаска, буыннар арасындагы бәйләнешне өзмәскә ярдәм итә. Әлеге якты бәйрәм иманыбызны ныгытсын, күңелләребезгә шатлык өстәсен, гаиләләребезгә бәхет китерсен, илләр-көннәр тыныч булсын!