Хөрмәтле райондашлар!

Рөстәм Хикмәтуллин, шәхси эшмәкәр: 

— Хөрмәтле райондашлар! Сезнең барыгызны да Сабантуй бәйрәме уңаеннан кайнар котлыйм. Инде күп гасырлар дәвамында Сабантуй — безнең өчен иң яраткан һәм көтеп ала торган шатлыклы вакыйгаларның берсе. Кая гына яшәмәсен, мәйданга килгән һәр кеше үзенең милли мәдәният белән бәйләнешен тоя, туган теленең моңлы аһәңен тыңлап хозурлана, ярышларда, җыр-биюдә осталыгын күрсәтеп, рәхәтләнеп ял итә. Сабантуй — милли гореф-гадәтләребезне үстерүче, буыннарны һәм тулы бер дәверләрне бергә бәйләүче, халык күңеленнән ургылып чыккан саф рухи чишмә. Бу якты, матур, юмарт бәйрәм һәр йортка бәхет һәм муллык китерсен! Һәммәгезгә дә сәламәтлек, шатлык, иминлек телим!