Хөрмәтле хезмәттәшләрем, ветераннарыбыз!

Рамилә Әбләзова, мәдәният бүлеге начальнигы: 

— Хөрмәтле хезмәттәшләрем, ветераннарыбыз! Мәдәният хезмәткәрләре — кызыклы, иҗади, мавыгучан, инициативалы шәхесләр. Без авыл халкына күңелле ял сәгатьләре бүләк итәбез. Мәдәният йортлары, китапханәләрдә концертлар, төрле күңел ачу чаралары, бәйге-фестивальләр уза. Елның-елында анда җирле генә түгел, ә төбәкара, республика, Россия күләмендәге әһәмияткә ия булган вакыйгалар да булып тора. Районның иҗат коллективлары, аларның таланты республика тамашачыларын да әсир итә. Без — кешеләргә рухи байлык бүләк итүчеләр. Эшебез һәрвакыт шулай халыкны сөендерсен, яңа уңышларга ирешергә насыйп булсын. Барыбызга да сәламәтлек, иминлек, уңышлар телим.