Хөрмәтле хезмәттәшләрем, ветераннарыбыз! Сезнең барыгызны да һөнәри бәйрәмебез — Россиядә Эчке эшләр органнары хезмәткәрләре көне белән кайнар котлыйм

Айрат Вахитов, Россия Эчке эшләр министрлыгының Кайбычтагы бүлеге начальнигы, подполковник:

— Хөрмәтле хезмәттәшләрем, ветераннарыбыз! Сезнең барыгызны да һөнәри бәйрәмебез — Россиядә Эчке эшләр органнары хезмәткәрләре көне белән кайнар котлыйм. Иңнәребезгә бик зур җаваплылык: законлылык һәм җәмәгать тәртибен, халыкның иминлеген саклау эше йөкләнгән. Сайлаган һөнәребез авыр да, катлаулы да. Безнең сафларда бары тик тәвәккәлләр генә атлый ала. Коллективыбызда үз эшенең осталары күп. Полиция хезмәткәрләре өчен халык ышанычын яулау бик мөһим. Ике арада ышанычлы мөнәсәбәтләр булган очракта җинаятьләр дә тизрәк ачыклана, административ хокук бозулар да вакытында юк ителә. Барыгызга да ныклы сәламәтлек, тынычлык, күңел күтәренкелеге, алдагы көннәргә оптимистик караш, җаваплы хезмәтебездә яңа уңышлар телим.