Авыл язмышын балалар билгели

Президент чыгышын бү­ген барган икътисади һәм сәяси үзгәрешләр шартларында икътисадны ныгыту һәм халыкның тормыш хәлен яхшырту безнең өчен аеруча зур әһә­мият ала, дигән сүзләр белән башлап җибәрде. Юлламада республиканың уңышы һәрвакыт икъ­тисади күрсәткечләр белән генә түгел, социаль үсешнең югары дәрәҗә­се, иҗтимагый-сәяси тотрыклылык белән дә бәя­лә­неп килүе турындагы фикер кызыл җеп булып ятты. Анда эшчәнлекнең барлык өлкәләре дә телгә алынды. Производствода алдынгы технологияләрне җәлеп итү, модернизация, тышкы базарда позицияне ныгытуга, сәламәтлек саклау системасы, мәгариф, мәдә­ниятне, спортны үстерүгә, экологияне саклауга өс­тен­лек бирелә. Шулай ук яшьләрне иҗади юлга юнәлтү, милләтләр дуслыгы, төрле этник төркем­нәр һәм дин тотучылар вәкилләренең үзара рухи хезмәттәшлеге, республикада тынычлык һәм татулыкны, гореф-гадәтләр, телебезне саклау темасы да киң яктыртылды.

- Авылга һәм анда яшәүчеләргә ярдәм республиканың иң өстен бурычларыннан булды һәм булачак. Торак, юллар, авыл клублары, башлангыч бу­ын медицина учрежде­ние­ләре төзү буенча республика программаларын, шу­лай ук "Чиста су" һәм башка программаларны гамәлгә ашыру дәвам итәчәк, - диде Президент Рөстәм Миңнеханов, авыл хуҗалыгын үстерү юнәлешләре турында сөйләп.

Авыл халкының активлыгын арттыру, шәхси яр­дәм­че хуҗалыкларны үс­те­рү, фермерларга ярдәм итү буенча республикада алып барылучы сәясәт Кайбычта да уңышлы тормышка ашырыла. Пре­­зидент әйтеп узганча, нә­тиҗәле дәүләт - кешегә һәм җәмгыятькә хезмәт итүче дәүләт ул.