Кайбыч районына Төркиядән килгән Али хәзрәт Урэздем белән әңгәмә

- Мин Төркиянең Куния шәһәрендә туып-үстем. Хәзерге вакытта гаиләм белән Әнкара шәһәрендә яшим, Диния нәзарәтендә эшлим. Тормыш иптәшем белән өч бала үстерәбез. Бала чагымнан ук дини белем алдым. 12-14 яшьләремдә Коръән- хафиз курсларын үттем, гомумән, дини белемне ун ел дәвамында үзләштердем.

- Безгә Россиядән турист­лар күп килә, ә үземнең монда беренче генә тапкыр аяк басуым әле. Дөресен генә әйткәндә, мин монда тормыш шул дәрәҗәдә яхшыдыр дип уйламаган идем. Россия алга киткән ил, мин бу хакта күп укыдым. Бу сез яшәгән Кайбыч районы мисалында да ачык күренә. Мин монда гади халык белән аралаштым, күп гаиләләрдә авыз ачтыру ашларында булдым. Тормыш шартлары яхшы аларның, өстәлләре тулы сый-нигъмәт. Монда хатын-кызлар ирләр белән тигез, алар - төрле һөнәр ияләре. Казан шәһәрендә трамвай, троллейбус йөртүче, төзелештә эшләүче хатын-кызларны да күрдем. Ә бездә алар нигездә өйдә балалар үстерә, офисларда язу-сызу эшләре белән шөгыльләнә, авыр эшләргә җәлеп итмиләр. Мәчеткә йөрүчеләр арасындә төрле һөнәр ияләре бар, шулай да укытучылар күбрәк.

- Безнең Төркиядә Ислам дине мәсьәләләрен хәл итүче министрлык эшли. Рамазан аенда мөселманнар яшәгән күп илләргә безнең дин белгечләрен ел саен җибәрәләр, 250 кеше төрле илләргә тарала. Кайбер илләргә бишәр елга да җибәрәләр. Максатыбыз - халыкка Коръән укуның бөтен нечкәлекләрен, Ислам дине кагыйдәләрен, намаз уку тәртибен өйрәтү, динебезең асылын халыкка җиткерү.

- Татарстаны дөньяда таныйлар, беләләр. Сез гүзәл җирдә яшисез. Татарстан белән Төркия арасындагы дуслык еүкүпере ныклы булсын. СҖитәкчелек тарафыннан да дингә зур игътибар бирелә. Район башлыгы Альберт Рәхмәтуллин миндә җылы тәэсирләр калдырды, ул үз халкын ярата, ифтар ашларында да бергә булдык. Ифтарга сезнең районның күпчелек авылларына барырга туры килде. Мәчетләрнең төзек, чиста булуы күзгә ташлана. Сездә халык ярдәмчел. Эшмәкәрләр, җитәкчеләр, бергәләшеп акча җыеп, тиз арада мәчеттәге келәмнәрне яңартты. Дингә караш бездәге белән бер дәрәҗәдә. Төркиядә дә, Татарстанда да яшьләр күбесенчә шәһәргә тартыла. Мәчетләргә нигездә өлкән кешеләр йөри. Шуңа күрә безгә дә, сезгә дә яшьләрне мәчетләргә тарту юнәлешендә эш алып барырга кирәк. Биредә хатын-кызларның дингә күбрәк тартылуына игътибар иттем.

- Юк шул. Гаиләм белән интернет аша аралашып торабыз. Хаҗ кылырга хатыным белән бергә барган идек.

- Бик яратып. Беренче көннәрдә ризыкларны өйрәнү булды анысы. Күбесенең исемнәре дә, тәме дә безнекенә охшаш. Өстәлләрдәге нигъмәтләрнең мул әзерләнүенә игътибар иттем.Татар телен белмәвем генә уңайсыз хәлгә калдырды. Мәчетләргә баргач, кешеләр минем белән аралашырга тели. Ләкин мин аларга фикерләремне иркенләп җиткерә алмыйм. Шуңа күрә, үз илемә кайткач, рус, татар телләре буенча курсларга йөрия­чәкмен.

Әңгәмәбезгә кабат Дамир Гыйниятуллин кушылды:

-Али хәзрәт монда килүгә үк мәчет тормышына кереп китте. Мәчеткә килүчеләр белән бергә намазлар укыды, көндезләрен Коръән укыды, балаларга, теләге булган өлкәннәргә дин сабак­лары бирде, рәхмәт аңа. Аның бездән китү вакыты да якынлаша инде, ул 25 июньдә Казанда булырга тиеш, Ураза бәйрәмен алар үз илләрендә каршы алачак­лар.