Кайбычлылар "Йолдызлык –2017" – республика телевизион яшьләр фестиваленең суперфиналында катнашачак

Зона этабы нәтиҗәләре буенча, «Хореография» (кечкенәләр төркеме) номинациясендә Олы Кайбычның «Авыл дэнс» бию төркеме беренче урынны яулады. «Вокал ансамбльләр» (кечкенәләр төркеме) номинациясендә Иске Чәчкабның «Салават күпере» кызлары өченче урынга лаек булды. Борындыктан Зәмирә Зарифуллина һәм Олы Кайбычтан Гөлназ Гайнуллина «Вокал-соло» (беренче кечкенәләр төркеме) һәм «Вокал-соло» (икенче кечкенәләр төркеме) номинацияләрендә беренче урынны алды. «Вокал-соло» уртанчылар төркеме (кызлар) номинациясендә беренче-икенче урыннарны Олы Кайбычтан Азалия Миңнуллина һәм Лилия Шамилова бүлеште. Иске Чәчкабтан Илгизә Хөсәенова һәм Баязит Хәсәнов «Конферанс» (уртанчылар төркеме) номинациясендә икенче урынны яулады. Барлык призерлар да апрель аенда Казан шәһәрендә үтәчәк бәйге суперфиналында катнашачак.