Казанда узган “Туым җондызы” фестиваленнән кайбычлылар кыйммәтле бүләкләр белән кайтты. Фоторепортаж

Көндез фестивальнең сайлап алу турында катнашкан алты катнашучының бишесе финалга узды һәм алар кич белән безнең республикадан гына түгел, ә Чиләбе өлкәсе, Башкортстанның Бакалы районыннан килгән сәнгать коллективлары белән бергә гала-концертта чыгыш ясады. Мәлкидән биш яшьлек Вадим Бичарин фестивальдә чыгыш ясаучылар арасында иң яше иде. Кечкенә булса да, төш кенә икән безнең Вадим: керәшен халык җырын бер дә ялгышмыйча матур итеп җырлады. Ул "Иң яшь башкаручы" номинациясендә җиңде.

Хуҗа Хәсәннән Юлия Макарова җиңүгә омтылышы өчен шушы фестивальнең махсус бүләге- Диана Мишкина исемендәге бүләккә лаек булды. Иске Тәрбиттән Сергей Васильев "Уңышка илтүче юл" номинациясе җиңүчесе. Ә Олы Тәрбиттән Диана Леонтьева этник- вокал номинациясендә беренче урынны яулады. Мәлкидән балаларның "Балтырган" ансамбле җырчылары фольклор ансамбльләр арасында беренче урынга чыкты. Аларның барысы да кыйммәтле бүләкләр һәм дипломнарга лаек булды. Оештыручылар кайбычлыларның әзерлегенә югары бәя бирде. Бу хакта газетабызның алдагы саныннан тулырак укый аласыз.