Ришвәтчелек. Кайчан нокта куелыр?

Ришвәтчелеккә чик кую буенча Хөкүмәт дәрәҗә­сендә эш алып барылуы алыш-биреш яратучы­лар­ның күңеленә шом төшермичә калмый, әл­бәттә. Бу юнәлештә Кайбычта да махсус комиссия эшли. Кайбыч муниципаль район башлыгы кар­шында оештырылган ришвәтчелеккә каршы тору комиссиясенең узган җомгада үткән чираттагы утырышында быелгы елга йомгак ясалды, 2012 елга бурычлар билгеләнде. Утырышны район башкарма комитеты җи­тәкчесе Алексей Макаров алып барды. Комиссия әгъзасы Дания Бәд­ретдинова чыгышыннан күренгәнчә, ел дәвамында биш утырыш үткәрел­гән. Аның эшчәнлеге бе­лән теләгән һәркем муниципаль берәмлекнең сайтында "Ришвәтчелеккә кар­шы тору" бүлеге аша таныша ала. Комиссия ришвәтчелек һәм башка хокук тәртибен профилактикалау буенча кадр­лар хезмәтенең эшчәнлеген камилләштерү, муниципаль хезмәт күрсәтү­ләр­не рәсми сайтка урнаштыру буенча зур эш башкарган, дәүләт һәм муниципаль хезмәт күрсәтү­нең административ регламенты расланган. Сайтта райондагы муниципаль хезмәткәрләренең керемнәре һәм милке хакында да мәгълүматлар бар. Алдагы елга эш планы 2012-2014 елларга ришвәтчелеккә каршы комплекслы район программасында ачык чагылыш таба. Төп бурыч- тормышның барлык өл­кәләрендә дә коррупциягә юл куймау.

Район финанс-бюджет палатасы рәисе Ландыш Михайлова муниципаль контрактлар буенча шарт­ларны үтәмә­гән подряд оешмаларына карата штраф сакнкцияләре куллану, дәгъва белдерү чаралары хакында сөйлә­де. Утырышта "Кайбыч таңнары" газетасында риш­­вәтчелекне профилактикалауның торышы да каралды. Коррупциягә каршы көрәштә масса­күләм мәгълүмат чараларына ил күләмендә зур әһәмият бирелә. Бу өл­кәдә редакцияләр хакимият, хокук саклау органнары белән тыгыз элем­тәдә торып эшләргә бурычлы. Инде заман чиренә әйләнгән ришвәтчелекнең асылы турында халыкка без, журналистлар аңлатмаса, тагын кем аңлатыр? Матбугатның сүзе тәэсирле аның. Без­гә куелган төп бурыч - риш­вәтчелеккә чик куюга, халыкта моңа каршы тискәре фикер уятуга юнәлдерелгән мәкаләләр язу. Ачыклык, хәбәрдарлык - коррупция­гә каршы кө­рәштә төп корал. Әлеге те­ма "Татмедиа" агентлыгы контролендә, шуңа да редакция һәр квартал саен язылган мәкаләләр буенча отчет тапшыра. Бу юнәлештә безнең эшчәнлек нәтиҗәле бәяләнә, һәрхәлдә, кара исемлеккә эләккәнебез юк. Күп очракта без мәктәп укучылары фикерләрен дә газета укучыларыбызга җиткерәбез. Җитлеккән, төпле фикер­ләр ишетергә туры килә. Ә бу исә коррупциягә каршы көрәшнең формаль рәвештә генә алып барылмавына ишарәли.

Киләчәктә сораштыру барышында респондентлар күрсәткән өлкәләргә күб­рәк игътибар итәргә планлаштырабыз.