Федоровскоеда яшәүче Александр Анисимов “Татарстан Республикасы авыл хуҗалыгының атказанган механизаторы” дигән мактаулы исемгә лаек булды
Федоровское авылында яшәүче механизатор Александр Анисимов бәхетен чит җирләрдә түгел, туган ягында тапкан. Кырык өч ел дәвамында авыл хуҗалыгы тармагында эшләп, төбәгебезне үстерүдә үзеннән лаеклы өлеш керткән ул. Быел хезмәте тагын да югарырак бәяләнде. Республикабыз Президенты Указы нигезендә "Татарстан Республикасы авыл хуҗалыгының атказанган механизаторы" дигән мактаулы исемгә лаек булды.