Кайбыч районында физик мөмкинлекләре чикле балалар өчен Сабантуй үткәрелде
Балаларыбыз бәхетле һәм шат булса, барыбызга да рәхәт бит, әйеме? Иң мөһиме – исән-имин булсыннар һәм авырмасыннар гына. Ләкин арабызда язмыш сынавына дучар ителеп, сәламәтлегендә тайпылышлар булган сабыйлар да юк түгел. Аларга күтәренке буш вакытын файдалы итеп үткәрү, сызлану-сыкрануларын беразга гына оныттыру, күңелләрен күтәрү өчен район социаль яклау бүлеге даими рәвештә төрле күңел ачу чаралары, тематик очрашулар оештыра, мәрхәмәтле хәйриячеләр гел кайгыртып тора үзләрен. «Кайбыч» боз мәйданында үткәрелгән Сабантуй да әнә шундый бәйрәмнәрнең берсе иде.
