Кайбычта шикәр чөгендерен Буага озату төгәлләнде
Кайбыч - Буа шикәр заводын татлы чимал белән тәэмин итүче районнарның берсе. Менә ничә еллар дәвамында инде район кырларында үстерелгән шикәр чөгендере шушы заводка озатыла. Безнең кырлардагы чөгендердән инде тонна-тонна шикәр комы җитештерелгәндер. Әлеге продукция белән тәэмин итүдә безнең чөгендерчеләрнең дә өлеше зур, чөнки завод шикәр комын төрле төбәкләргә озата.
