Район Картлар һәм инвалидлар интернат-йортына волонтерлар килде
Изгелеккә игелек белән җавап бирүчеләрнең берсе ул. Сүз кайчандыр нәни кызын чит илдә дәвалатуда акчалата ярдәм сорап Кайбыч халкына мөрәҗәгать иткән Казанда яшәүче якташыбыз Резедә Галиева (хәзер инде Шуралева) турында бара. Инде бу вакыйгага биш еллап вакыт узса да, очрашкан саен ярдәмчел якташларына булган рәхмәтенең күңеле түрендә гомер буена сакланачагы турында әйтмичә калганы юк аның. Шушы еллар эчендә тормышы да җайланды, инде икенче баласын да алып кайтты. Ә алтын бөртеге сыман Амалиясе, Аллага шөкер, исән-сау, мәктәптә укый. Ярдәмгә мохтаҗ кешеләргә икенче берәүнең ярдәме нык кирәк булуын үз мисалында йөрәге аша кичергән Резедәкәй инде хәзер үзе хәйриячелек юлына баскан. «Рәхмәт» хәрәкәте оештырган.
