Кайбыч районында “Кичке уен” үткәрелә

"Районыбызда яшәүче татар, рус, керәшен һәм чуваш халыкларының күңел җәүһәрләрен, гореф-гадәтләрен, йолаларын барлау һәм аларны саклау максатыннан оештырылган "Кичке уеннар" авылларда үткәрелгән иде инде. Бүген район башлыгы Альберт Рәхмәтуллин аларны уздыруда активлык күрсәткән мәдәният хезмәткәрләрен бүләкләячәк. Милли уеннар, үзешчәннәр чыгышлары белән үрелеп баручы бәйрәмгә барыгызны да көтеп калабыз. Һәркем кайнар коймак,чәй белән сыйлана алачак", - дип хәбәр итте мәдәният бүлеге начальнигы Рамилә Әбләзова.