Зур Тәрбитнең нәни йолдызлары

"Ак Барс" яшьләр үзә­ген­дә узган фестивальдә катнашучылар арасында иң кечкенәләре безнең "Бәләкәч" ансамбленә йө­рүчеләр булган. Ан­самбль­­дә чыгыш ясаган унике баланың берсе генә мәк­тәптә укый, калганнары Зур Тәрбит авылындагы балалар бакчасында тәр­бияләнүчеләр. Кайбычтагы керәшеннәр җәмгыяте рәисе Светлана Матвеева бакча мөдире Гөлназ Гыйбадиевага шушы фестивальдә катнашырга тәкъ­дим ясагач, аны шатланып кабул итәләр. Тәр­бияче Людмила Чинакина күрше әбидән сирәк очрый торган җырларны язып алган да, балаларга өйрәткәннәр. Икенче чыгыш итеп керәшен биюен өйрәнгәннәр.

- Бу фестивальдә катнашу балаларыбыз өчен бик шатлыклы вакыйга булды. Араларында Казанга түгел, Кайбычка да бер тапкыр да барып карамаганнары бар иде. Бәләкәчләребездән биг­рәк әти-әниләре сөенде. Сәх­нә костюмнарын да ба­ласына һәркем үзе тек­те, ник берәрсе каршы килсен. Моның өчен алар­ның барысына да тирән рәхмәтемне белдерәм. Ә безнең балаларыбыз сәх­нәдә шулкадәр матур чыгыш ясады ки, бик озак алкышладылар үзләрен. Соңыннан алар белән фотога төшүчеләр дә күп булды. "Ак Барс" агрохолдинг кампаниясе генераль директоры Иван Егоров та шунда иде, якташларыбыз - танылган җырчы Лидия Әхмәтова, "Кайбыч" якташлык җәмгыяте Президенты, "Бәрмән­чек" дәү­ләт керәшен ансамбле җиткчесе Артур Поляков та гел безнең янда булды, - диде Гөлназ Гыйбадиева, фестиваль­дән алган тәэсирләре белән уртаклашып.

"Туым җондызы"ннан дип­­лом һәм бүләкләр белән кайткан "Бәләкәч" ансамбле хәзер "Йолдызлык" фестиваленә әзер­ләнә. Анда да уңышлар телик аларга.