Кайбычка яшь укытучылар кайтты

Укытучыларның август киңәшмәсендә яшь педагогларны сәхнә түрендә хөрмәтләделәр. Казан федераль университетын тәмамлаган Константин Гущин Федоровскоеда тарих һәм җәмгыять белеменнән, Светлана Дютина Олы Подберезьеда физика һәм информатикадан, Екатерина Дмитриева Ульянковода физика һәм информатикадан, Лилия Зиннурова Кошманда башлангыч классларда укытачак. Казан шәһәрендәге педагогия көллиятен тәмамлаган Ләйсән Әбүбәкерова да Федоровскоеда башлангыч классларга белем бирәчәк. Идел буе дәүләт физик культура, спорт һәм туризм академиясен тәмамлаган Илназ Сәлахиев Надеждино мәктәбенә билгеләнгән.