Кайбыч мәктәпләрендә чыгарылыш кичәләренең көне билгеле

Ниһаять, чыгарылыш имтиханнары артта калды. Укучылар җиңел сулыш алып, кайда укырга керү хакында уйлана. Аңа кадәр районның барлык мәктәпләрендә үтүче чыгарылыш кичәләре кичә генә парта арасында утырган, бүген инде мөстәкыйль тормыш юлына аяк басарга әзерләнүче укучыларга бәйрәм мизгелләре бүләк итәчәк.

Мәгариф бүлегеннән хәбәр итүләренчә, 25 июньдә Олы Подберезье, Надеждино, Бәрлебашы, Хуҗа Хәсән, Колаңгы, Ульянково, Олы Урсак, Мәлки, Чүти, Иске Чәчкаб, Мөрәле мәктәпләрендә, 26 июньдә Олы Кайбыч, Федоровское, Кошман, Иске Тәрбит мәктәпләрендә чыгарылыш кичәләре үткәреләчәк.