Июньнең соңгы көнендә Татарстанда яңгыр һәм көчле җил көтелә

Бу хакта ТР Гидрометеорология үзәге хәбәр итә.

Республикада аязучан болытлы һава булачак. Урыны белән кыска вакытлы яңгыр, ә кайбер көнчыгыш районнарда көчле яңгыр явачак (Казанда сизелерлек явым-төшем булу ихтималы аз).

Иртәнге һәм көндезге сәгатьләрдә секундына 8-13 метр тизлектәге төньяк һәм төньяк-көнбатыш җиле секундына 17-22 метрга кадәр көчәячәк (ТР башкаласында — 15-20 м/с).

Салкын булмаган төннән соң (+10дан +15 градуска кадәр) тәүлекнең якты вакытында төбәктә һава +18...+23 градуска кадәр җылыначак (Казанда — +21...+23 градуска кадәр).

Чыганак: «Татар-информ» https://tatar-inform.tatar/news/iyunnen-songy-konenda-tatarstanda-yangyr-ham-kocle-il-kotela-5925725