Кече Кайбыч авылы мәчетендә Корбан ашы узды
Шушы көннәрдә районыбызның барлык татар авылларында Корбан ашлары уздырыла. Бүген ул Кече Кайбыч авылы мәчетендә дә үтте. Һава торышы да мәчеткә килүчеләргә хәер-догада булып, изге юлда йөрисез, дигәндәй, кояшлы, матур булды.
Корбан ашы әлеге авыл имамы Мәгъзүм Тимершин белән аның тормыш иптәше Гөлзада апа һәм уллары Алмаз, кызлары, килен-кияүләре тарафыннан әзерләнгән иде. Мәҗлескә утыздан артык ир-ат җыелды. Аларны котларга район башлыгы Альберт Рәхмәтуллин һәм Ябалак авыл җирлеге башлыгы Мөслимә Гыйззәтуллина да килгән иде. Алар Мәгъзүм абыйга һәм аның гаиләсенә рәхмәт әйтте.
Өстәл сый-нигъмәттән сыгылып торды, анда ниләр генә юк иде. Мәҗлес ахырында чалынган корбанга, табынга дога кылдылар.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев