Кайбыч таңнары
  • Рус Тат
  • Зур Урсакта – балалар сабантуе

    Җәйнең ямьле бер көнендә Зур Урсак авыл җирлеге мәктәптә оештырылган "Кояшкай" лагере һәм "Чулпан" балалар бакчасына йөрүчеләр өчен Сабантуе оештырды.

    Милли бәйрәм төрледән-төрле кызыклы, мавыктыргыч уеннар, җыр-биюләр белән үрелеп барды. Уенчык кисү кечке­нәләр өчен кызык булса, капчык киеп йөгерү укучыларга охшады. Һәр парның җитезрәк буласы килә, чөнки алдан килүчегә бүләк бирелә. Чүл­мәк ватуда нәниләр чаярак, үткенрәк булды. Һәр баланың таякны чүлмәк өстенә туры китереп сугуын күзәтүе үзе бер кызык. Ә бүләкләре берсен­нән-берсе матур. Соңыннан физик тәрбия укытучысы Рамил Нуриев кө­рәш оештырды. Мәйданның бер читендә балалар бии, алар белән без - тәр­бияче һәм вожатый апалары да биедек. Кү­ңе­лебез белән сабый чакларыбызга кайтып кил­гән төсле булдык. Ә көрәш кызганнан-кыза барды. Сабантуйның абсолют батыры булып минем укучым, 3 сыйныф укучысы Эльвин Җаппаров калды. Ул стена сәгате белән бүләкләнде. Эльвинның җиңүе безгә гаҗәп тоелмады, чөнки аның әтисе дә Сабантуйларда батыр калган иде. Икенече-өченче урыннарны Рушан Биктаһиров белән Илфар Газиев яу­лады. Сабантуйдан беркем дә бүләксез кайтып китмәде, хәтта өчәр, дүр­тәр бүләк алучылар да булды. Бәйрәмгә авыл бабайлары, әбиләре, апалары, бишек бәбиләренә кадәр килгән иде. Өч сәгать вакыт сизелмичә үтеп тә китте. Бу көн балалар күңелендә озак сакланыр.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: