Рус Тат

28 ноябрь 2013 яңалыклары

28 ноябрь 2013
Федоровскоедагы картлар һәм инвалидлар интернат-йортында Әниләр көне уңаеннан сәнгать мәктәбе укучылары чыгыш ясады

Федоровскоедагы Картлар һәм инвалидлар интернат-йортында Әниләр көнен үткән еллардагыдан бераз аермалы итеп үткәрергә булдылар: кунакка Кайбыч сәнгать мәктәбеннән яшь музыкантлар һәм укытучыларын чакырдылар. Интернат-йорт, әйтерсең лә, моң дәрьясына күмелде.
28 ноябрь 2013
Кайбыч халкы 2013 елда 135 миллионнан артык керем алган

Агымдагы елның ун аенда шәхси хуҗалыкларда җитештерелгән продукция сатучыларга барлыгы 135 миллион 867 мең сум акча түләнде. Узган елның шушы чоры белән чагыштырганда, бу 16,6 процентка күбрәк. Бер хуҗалыкка керем 27 762 сум тәшкил итә. Узган ел ул 23 585 сум иде.
28 ноябрь 2013
Кайбыч хоккейчылары яңа хоккей мәйданчыгын түземсезләнеп көтә

Кайбыч районы командасы хоккейчылары, уеннарга җитди әзерлек алып барырга мөмкинлек булмаса да, сентябрь-октябрь айларында берничә җиңү белән сөендерде. Олы Кайбыч авылында төзелеп ятучы яңа хоккей мәйданчыгын алардан да зарыгып көтүче бармы икән?!
28 ноябрь 2013
Татар дәүләт җыр һәм бию ансамбле биючеләре Кайбычта тамаша күрсәтте

Бөтен илгә танылган, чит ил сәхнәләрендә дә еш чыгыш ясаучы әлеге ансамбль Колаңгыдагы күпфункцияле үзәктә концерт куйды.
28 ноябрь 2013
Кайбычта томан һәм бозлавык аркасында юл һәлакәте булды

26 ноябрьдә якынча төнге 23.00 сәгатьтә "Кайбыч - Камыллы" автотрассасының 27 нче чыкрымында, Мәлки авылына барып җиткәнче, "Лада Калина" автомобиле юл читенә барып төшкән. Юл-транспорт һәлакәте нәтиҗәсендә автомобиль механик зыян ала. Бәхеткә, шофер да, пассажир да куркынычсызлык каешын эләктергән була, шуңа да зыян күрүчеләр юк.
28 ноябрь 2013
Чүтидә күпбалалы әниләр династияләрен хөрмәтләделәр

Бездә Әниләр көне уңаеннан мондый эчтәлектәге бәйрәмнең үткәрелгәне юк иде әле. Тантанага күп бала тәрбияләп үстергән аналар, аларның күп бала тапкан кызлары һәм күпбалалы оныклары чакырылган иде. Бер сүз белән әйткәндә, әллә ничә балага гомер бүләк итеп, олы тормыш юлына аяк бастырган өч буын гүзәл затлар - әниләрне хөрмәтләделәр.