Кайбыч таңнары
  • Рус Тат
  • Боз өстендә сак булыгыз!

    Көзге-кышкы чорда сулыкларда куркынычсызлык таләпләрен үтәмәү аркасында суда уннарча кеше, шул исәптән балаларның гомере фаҗигале төстә өзелә.

    Кичке һәм төнге вакытта боз зур булмаган авырлыкны чыдата, ә көндезләрен көпшәкләнә, йомшаклана. Караңгыда, күз күреме начар булганда боз өстеннән чыгу куркынычка әйләнә. Бер кеше өчен бозның калынлыгы 7 сантиметр булганда куркынычсыз, ә җәяүле­ләр чыгу урыннарында ул - 15, автомобильләргә - 30 сантиметрдан ким булмаска тиеш. Ныклы боз - үтә күренмәле, яшкелт яисә зәңгәрсу төстә булырга тиеш, ә нәзек боз - тонык була, өстендә кар булган боз да куркыныч. Ул агым булган, камышлар үскән җирләрдә нә­зегрәк. Бозның калынлыгын аяк белән тибеп тикшерергә ярамый, таяк яи­сә пүлән белән суккач су чыкса, димәк, боз өстендә йөрергә ярамый. Боз аша чыгу өчен тапталган сукмакны яисә чаңгы эзен сайларга кирәк. Аяк астыгызда боз чатнаса, аякны боздан аермыйча, аларны җилкә киңлегендә ку­еп, үзегез кергән эздән ярга чыгыгыз. Төркем бе­лән боз аркылы чыкканда кешеләр арасында ара 5- 6 метрдан ким булмаска тиеш. Бу чорда ата- аналар балаларына контрольне көчәйтергә, зурлардан башка балыкка җибәрмәскә, ә олылар ал­коголь турында онытырга тиеш. ТР Гадәттән тыш хәлләр министрлыгы киңәшләре һәм күрсәт­мә­ләре турында тулырак газета сайтында укырга мөмкин. Биредә сез боз астына киткән кешегә ничек ярдәм итәргә, салкын суга батсагыз нәрсә эш­ләргә кирәклеген белә аласыз. Көтелмәгән хәл­ләрдә 01 телефоны аша янгын сүндерү-коткару хезмәтенә, 02 - полициягә, 03 - ашыгыч ярдәмгә, (843)227-46-46 телефоны аша Россия Гадәттән тыш хәлләр министрлыгының ТР буенча өлкән оператив дежурына, (843)293-49-95 ТР Сәла­мәтлек саклау министр­лыгының һәлакәт­ләр Республика медицина үзәге оператив дежурына, (843)272-43-12 ТР Гадәт­тән тыш хәлләр министр­лыгының эзләү-коткару хезмәтенә, 112 номеры аша коткару хезмәтенең бердәм телефонына шал­тыратырга мөмкин.

    Нравится
    Поделиться:
    Реклама
    Комментарии (0)
    Осталось символов: