Олы Кайбыч мәчетендә Гает намазы узды

 Гает намазына килүчеләр шулкадәр күп иде, мәчетнең ике каты да халык белән тулы иде. 

Районыбыз имам-мөхтәсибе Дамир хәзрәт Гыйниятуллин гает намазына килүчеләрне Ураза гаете белән котлады, бәндәләр күңеленә рәхим-шәфкать теләде.

Мөселман кардәшләребезне район башлыгы Альберт Рәхмәтуллин исеменнән урынбасары Рәмис Хәялиев кайнар котлады, тоткан уразаларның кабул булуын теләде.

Гает намазыннан соң, Дамир хәзрәт Татарстан Республикасы мөфтие Камил хәзрәт Сәмигуллинның бәйрәм белән котлавын, ТР Диния нәзарәтеннән җибәрелгән вәгазьне ирештерде.