Уңайлы мохит тудырылганмы?

Илнур Әхмәтҗанов: Әтием Хәйдәрне аяусыз чир аяктан екканга ике ел була. Олы Кайбычтагы җә­мә­гать үзәге, сырхауханәгә барганыбыз бар, арба белән керү өчен шартлар тудырылган. Һәр бина ишеге махсус җиһазландырылса, бик шат булыр идек.

Сәвия Зиннурова: Балабызны кая да булса алып барганда күтәреп кенә йөртәбез. Ә менә урамга һава суларга чыксак, арбага утырабыз. Урамыбызда асфальт бар. Әлегә авырлыклар күренми, әм­ма үсә төшкәч каршылыклар туарга мөмкин. Күзә­түләрем буенча, бездә уңайлы пандуслар белән җиһазландырылган керү юллары азрак әле.

Илфар Баһавиев, район прокуроры урынбасары: Мөмкинлекләре чик­ләнгән кешеләргә уңайлыклар тудыру бер яктан закон таләбе булса, икен­че яктан әхлакый бурычыбыз булып тора. Җәй кө­не узган тикшерү барышында социаль яктан мө­һим ике объектка керү юлында пандус һәм тотыну җайланмасы булмавы ачыкланган иде. Икесен­дә дә хата төзә­телде. Хә­зерге вакытта район үзә­гендәге һәр объектка шун­дый тикшерү уздырыла, тиешле чараларын күрү өчен, нәтиҗәләр район судына юлланачак.