Авыл белгечләренә - грантлар

ТР авыл хуҗалыгы һәм азык-төлек министрының икътисад һәм аграр үзгәртеп корулар буенча урынбасары Николай Якушкин җитәкчелегендә узган чарада "Иң яхшы экономист" һәм "Иң яхшы бухгалтер" грантларын алуга бәйге үткәрү мәсьәләсе каралды. Район авыл хуҗалыгы һәм азык-төлек идарәләре белгечләре, республиканың авыл хуҗалыгы бухгалтер-экономистлары катнашында узган чарада грантларны озак еллар буен эшләүчеләргә генә түгел, ә яшь белгечләргә дә бирү хакында да сөйләделәр. Анда авыл хуҗалыгы һәм азык-төлек идарәсенең финанс-икътисад бүлеге начальнигы Радик Камалетдинов һәм "Алтын кырлар", "Гөбенә", "Заволжье" җәмгыятьләре, "Яңа юл" хуҗалыгы бухгалтер-экономистлары катнашты.