Чалгылар чыңлар чак

Шуңа карамастан, хуҗалыкларда эш темплары артуы сизелми. Инвестор канаты астында эшләүче җәмгыятьләр терлек азыгы әзерләүгә оешкан төстә кереште. Крестьян фермер хуҗалыкларыннан Закиров исемендәге җәмгыять 5 июньгә 30, "Яңа юл"да 18 гектар мәйданда урылган. "Чекмарев", "Бакчачы", "Зур Колаңгы"да әлеге эшкә керешмәгәннәр.

"Заволжье"да күпь­еллыклар 750 гектарга якын урылган, шуның 124 тоннасы печәнгә җыеп алынган, 1463 тоннасы сенажга салынган. "Гөбенә"дә барлыгы 350 гектарга якын мәйданда күпьеллыклар урылган, 4,2 тонна печән хәзер­ләнгән. "Алтын кырлар" җәмгыятендә 220 гектарда күпьеллыклар урылган, 20 тонна печән хә­зерләнгән. Планда каралган саннар белән чагыштырганда, бу күлдәге тамчыга тиң. Һава шартлары мөмкинлек бир­гәндә бар көчне сенаж салуга юнәлдерү зарур.