Эшнең кызган чагы
Районыбыз игенче- механизаторлары язгы кыр эшләре темпларын көннән- көн арттыралар.
Район авыл хуҗалыгы һәм азык- төлек идарәсеннән алынган оператив мәгълүматларга караганда, 11 майга барлык чәчүлек мәйданнарының (30,2 мең гектар) 73 процентында (22,2 мең гектар) эш башкарылган. Барлык сөрү җирләренең 17,0 мең гектарын сабан культуралары били. Бүгенге көнгә шуның 14,6 мең гектарында, ягъни 86 процентында, чәчү төгәлләнгән.
"Гөбенә", "Алтын кырлар", "Заволжье" җәмгыятьләрендә 3274 гектар мәйданда шикәр чөгендере чәчелгән. Бу - планда каралган мәйданга карата 131 процент тәшкил итә. Хәзерге вакытта район хуҗалыкларында рапс, силоска кукуруза чәчү эшләре бара.
Следите за самым важным и интересным в Telegram-каналеТатмедиа
Нет комментариев