Яшел уракка төштеләр

Шуны истә тотып, "Заволжье" җәмгыяте механизаторлары, районда беренчеләрдән булып, күпьеллык үләннәрне урып- җыюга кереште. 23 майда механизаторлар Радик Ярхамов һәм Сергей Зарницын "МТЗ- 82" тракторларында Борындык филиалындагы 62 гектар мәйданны биләгән костер күпьеллык үләнен рулоннарга төрәләр. Җәмгыять директорының җитештерү буенча урынбасары Ильяс Габбасов әйтүенчә, биредә күпьеллык үлән кырлары 2500 гектар мәйдан били. Бүгенгә шуларның 224 гектарында үләнне теземнәргә салу, әйләндерү, рулоннарга төрү эшләре бара.