Шигъри тәлгәш

Электрик абыйга

Телевизордан һәр көн кич

Бабай яңалык карый.

Әтием абзарга чыгып,

Терлек-туарны карый.

Һәр кешенең үз эше:

Әби аш-су әзерли,

Әнием сыер сава

Песи барысын күзли.

Мин дә шулай әкренләп,

Дәресләремне карыйм.

Мәсьәлә, мисал чишәм,

Җыр, шигырьләрне ятлыйм.

Шулай уйлавым булды,

Ялт итте дә, ут сүнде.

Өй эче дөм караңгы,

Берни күренми инде.

Барыбыз да тын калдык,

Барлык эш тә тукталды.

Бабай шырпы сызгалый,

Әби шәм табып килде.

Җыелышып утырдык

Өй уртасында бер ут.

Һәрберебездә бер теләк,

Кабынсын иде берүк.

Бармакларымның шәүләсе,

Бигрәк олы күренә.

Төрле хәрәкәтләр ясап,

Уйна әйдә, көл генә.

Тик электр яктысы ул

Бар эштә дә бик кирәк:

Төзүчегә, пешекчегә,

Табибка, тегүчегә,

Сакчыга да, юлчыга да,

Машина йөртүчегә.

Кинәт өй эче яктырда

Утны тоташтырдылар.

Хәтта өйдәге әсбаплар,

Тәрәзләр шатландылар.

Әби әйтә: "Менә кызым,

Рәхмәт Ленин бабайга.

Шул кешене тудырганга,

Рәхмәт инде Ходайга".

Карап лампа яктысына,

Мин дә сөенеп куйдым.

Электрчы абыйга да

"Рәхмәт!" - дип әйтеп куйдым.

Алсу Сафина,

4 сыйныф укучысы

Утсыз яшәп буламы?

Электр тогы бик көчле,

Ләкин аннан курыкмагыз.

Кагыйдәләрне үтәп,

Сакланырга онытмагыз!

Өйдән чыгып киткәндә,

Токта үтүк калдырмагыз!

Розеткага әйбер тыгудан

Кечкенәләрне саклагыз!

Электр чыбыгы яхшы

Изоляцияләнгән булсын.

Һәркемнең йортында электр

Утлары балкып торсын!

Электрдан башка яшәүче

Һич тә аңлап бетерми.

Утсыз, интернетсыз тормышны

Күз алдына китерми.

Илфия Сәлахова,

4 сыйныф укучысы

Шаккатмалы электр

Көчле җил белән бүген

Авылыбызда ут бетте.

Кичке сәгать дүрттән соң,

Кап-караңгы төн җитте.

Ай-һай кыен электрсыз,

Компьтерда эшләми.

Шәм яктысы булышмый шул,

Телевизор күрсәтми.

Әбиләргә һәйкәл кирәк,

Электрсыз яшәгәнгә.

Төртке утында тырышып,

Челтәр, шәл бәйләгәнгә.

Сокланып туя алмыйлар

Электр куәтенә.

Хәзерге тормыш аларга

Тиң Аллаһ җәннәтенә.

Айзилә Хәйруллина,