Яңа ел бүләге

Кыш бабайның бүләкләрен урлап, үзенең алачыгына яшереп куйган Убырлы карчык та шәфкатьле дәү әнигә әйләнде бу көнне. Бүләкләрне, күчтә­нәчләрне Кыш бабай белән бергә өләштеләр алар балаларга.

Укучыларга һәм икенче елга беренче сыйныфка укырга керүче балаларга тагын бер күңелле Яңа ел бүләге булды ул. Кече Кайбыч мәчете исеменнән авылыбыз мулласы Мәгъзүм абый Тимершин аларга тәм-томнар тутырылган бүләк капчыклар өйләште. Балаларга тагын да күңелле булып кит­те бәйрәм. Мәгъзүм абый олыларга үзенең үгет-нәсихәтләрен, теләкләрен дә юллады. Авылыбызда яшьләр бет­мә­сен,балаларның шат тавышлары тынмасын, буш йортлар булмасын иде дигән те­ләкләрен әйтте ул безгә.

- Хәзерге вакытта авылыбыздагы барлык йортларның яртысында диярлек бер яки ике генә кеше яши. Бу бик аянычлы хәл. Авылыбыз бетүгә таба бара дигән сүз бу. Бар ышаныч яшьләрдә. Алар авылда калып яшәсеннәр өчен тырышырга кирәк, -дип тәмамлады ул үзенең вәгазен.

Бу дөрес сүзләр белән нәни балаларын бәй­рәм­гә алып килгән әниләр, дәү әниләр дә килеште. Балаларны Яңа ел бәйрә­мендә сөендергән өчен авылыбыз аксакалларына, авыл мулласы Мәгъ­зүм абыйга барысы да рәхмәтле булды яңа ел­да.

Яңа 2012 елда барыбызга да гел шатлык -куанычлар гына теләп калыйк. Барлык теләкләр дә кабул булсын иде.