Төркиядә яшәүче якташыбыз хатирәләре белән уртаклаша
Җәй җитүгә,Төркиядән туган авылымны сагынып кайтам.Быел ике балам, Төркиядә туып-үскән тормыш иптәшем Эсер Сойтекин белән бергәләп кайттык. Безнең якларның матурлыгына, тырыш халкына, туган телебез, йолаларның саклануына, төрле милләт вәкилләренең бер гаиләдәй дус-тату яшәвенә, аш-суыбызның тәмлелегенә исләре китеп килә аның. “Татар теле –җырлап тора”, – ди Эсер үзе. Кыска гына вакыт эчендә телебезне өйрәнде, барысын да аңлый. Бездә узган Авыл көнен әле дә сагынып сөйли ул. Төркиядә яшәсәм дә, туган авылым турында уйламаган бер генә көнем дә юк. Районыбыз яңалыклары белән кызыксыным торам. «Кайбыч таңнары» газетасы сайтына көненә әллә ничә кереп чыгам. Шатлыкларыгызга сөенәм, кайгы килсә, сезнең белән мин дә кайгырам.
