Кайбыч таңнары
  • Рус Тат
  • 23 майда “Кайбыч таңнары” газетасының 80 еллыгы уңаеннан марафон узачак

    Ул соңгы тапкыр 20 ел элек үткәрелгән булган. Спорт ветераннары Кайбычта марафон традициясен яңарту тәкъдиме белән чыкты.

    "Кайбыч таңнары" газетасының 1993 елгы төплә­мә­­сеннән ул вакытта без­дә җаваплы секретарь булып эшләгән Радик Гарәфетдиновның "Марафонның матур мизгелләре" дигән мәкаләсен эз­ләп таптык.

    Радик үзе дә ул вакытта 42 чакрым 195 метр арага йөгерүдә катнашкан. Марафонга старт Бортас чигендә бирелгән һәм Апас-Ульяновск юлында узган. Ул вакытта Ябалак аша Апаска юл булмаган, апрельдә пычрак вакытта аннан ерак арага йөгерү мөм­кин түгел. "Район туган кө­ненә багышлап үт­кә­­рел­гән марафонда Мө­рә­ле­дән Фрат Җиһаншин, Олы Кайбычтан Тәфкил Нигъмәтуллин, Кече Мә­ме, Борындык, Иске Тәр­бит, Хуҗа Хәсән, Мәлки мәктәпләре командалары катнашты. Апрельнең ямьле көнендә узган ярышта Борындык мәктә­бенең хезмәт укытучысы Нияз Бикчәнтәев үзен ях­шы йөгерүче итеп күр­сәт­те. Олы Кайбычтан Тәф­кил Нигъмәтуллин да дистанцияне лаеклы тә­мамлады. Көн­дәшлә­рен­нән аның өстенлеге шактый зур", - дип язган ул чорда газета.

    Район туган көне алдыннан без Радик Гарәфетдинов белән очрашып, аннан быел Кайбыч марафонында катнашырга теләге бармы икәнлеге турында сораштык.

    - Бик теләп катнашачакмын! Дөресен әйткәндә, әлеге еллар эчендә бу традициянең онытылуына борчылган идем. Хә­зер спортчылар өчен мөм­кинлекләр зур. Универсиада елында аны кабат башлап җибәрү яхшы булыр иде, - диде ул.

    Редакциянең марафонны яңадан уздыра башлау турындагы фикеренә башкалар да кушылыр дип ышанасы килә. Аның быелгысы тарихка Казанда үтәчәк Универсиада һәм "Кайбыч таңнары" газетасының 80 еллыгы уңаеннан үткә­рел­гән спорт чарасы буларак кереп калыр.

    Нравится
    Поделиться:
    Реклама
    Комментарии (0)
    Осталось символов: