Кайбыч таңнары
  • Рус Тат
  • Чисталык икеайлыгы башланды

    Язгы кояш кышкы җавапсызлыгыбыз өчен битне кызартмасмы: кар эри башлауга ук кыш буена җыелып барган чүп-чар баш калкытты. Битарафлыкны төзәтер чак җитте - 1 апрельдән санитар-экологик чисталык икеайлыгы игълан ителде.

    Узган ел нәтиҗәләренә багышланган авыл җыеннарында чисталык мәсьәләсе ел саен күтәрелгәнне исәп­кә алсак, эш байтак әле. ТР Экология һәм табигый байлыклар министрлыгының Иделаръягы территориаль идарәсенең Кайбыч районы буенча I категорияле инспекторы Марсель Фәхретдинов оешма-учреждение, хуҗалык җитәкчеләрен, авыл җирлеге башлыкларын, шәхси хуҗалыкларны бүгеннән үк тирә-юньне чистарту эшенә керешергә чакыра. Җыелган чүпне махсус билгеләнгән урыннарга гына түгәргә кирәклеген дә онытмасак иде. Чүп-чар түгеп, табигатькә зыян китер­гән өчен административ җәзаларның катгыйлануын да истә тотарга кирәк. Зыянның дәрәҗәсенә карап, юри­дик затларга 100 мең сумнан 250 меңгә кадәр, шәхси эшмәкәрләргә 30 меңнән 50 меңгә кадәр штраф салынырга мөмкин. Физик затларга 1 меңнән 2 мең сумга кадәр акча түләргә туры киләчәк.

    Нравится
    Поделиться:
    Реклама
    Комментарии (0)
    Осталось символов: