Җилдәй җитезләр көч сынашты

Район яшьләр сәясәте, физкультура һәм спорт бүлеге начальнигы Юрий Михайлов яшь спортчыларга ярыш шартларын җиткергәннән соң, старт бирелде.

Егетләр арасында100 метрга йөгерүдә Федоровское мәктәбеннән Илмас Гыйсмәтуллинга тиң­нәр булмады. Икенче урынга Иске Тәрбиттән Александр Архипов чыкты. Өченче урын Борындыктан Рәзиф Хәйруллинга бирелде.

Кызлардан 100 метр араны Иске Тәрбиттән Людмила Зайцева иң беренче булып үтте. Чүти­дән Динара Әхмәтшина финиш сызыгын икенче булып узды. Өченче урында Борындыктан Алисә Вә­лиева.

400 метрга йөгергән кызлар арасында Федоровскоедан Айсылу Әхмәтшинага тиң­нәр юк иде. Чүтидән Диана Смирнова, лидердан чак кына артта калып, финишка икенче булып килде. Өченче урында - Хуҗа Хәсән мәктәбеннән Татьяна Макарова.

800 метрга йөгергән егет­ләр арасында да җиңү федоровскоелыларга елмайды. Вадим Моисеев бу араны 2 минут 13 секунд эчендә үтте. Икенче урынны Зур Урсактан Алмаз Нуриев яулады. Чү­ти­дән Игорь Платонов өченче күрсәткечкә иреште.

Егетләр арасында барган (4х100 метр) эстафета ярышында федоровскоелылар беренче, борындыклылар икенче, Иске Тәрбит мәктәбе өченче урынны яулады. Шул ук арага кызлар арасында эстафета ярышында да федоровскоелылар иң көчлесе булды. Чүтиле­ләр алардан азга гына калышып, икенче килде. Иске Тәрбит командасы өченче урында.

Ярышта Федоровское мәк­тәбе беренче, Иске Тәрбит - икенче, Чүти командасы өченче урынны яулады. Җи­ңү­челәргә күч­мә кубок, Мактау кә­газьләрен, медальләрне Юрий Михайлов тапшырды.