Яшь көрәшчеләр

Турнирны ачу тантанасында Николайның әтисе Алексей Федорович, әни­се Тамара Александровна катнашты. Район яшь­ләр сәясәте, физкультура һәм спорт бүлеге начальнигы Юрий Михайлов аларга район башлыгы исеменнән Рәхмәт хаты һәм истәлекле бүләк тапшырды. Турнирда Кече Мәме, Олы Кайбыч, Мө­рәле, Мәлки, Кошман һәм Апас районының Азбаба мәктәбе командасы катнашты.

Район халкы арасында спортның милли көрәш тө­рен популярлаштыру, спортчыларның осталыгын арттыру, иң көчле көрәшчеләрне, командаларны ачыклау, сәламәт яшәү рә­ве­шен пропагандалау максатында үткә­релгән ярышны иң яшь спортчылар башлап җибәрде.

27 килограммга кадәр үлчәү авырлыгында Кече Мәмедән Владимир Козин җиңүгә иреште. Икенче урынны Азбабадан Вячеслав Кудряшов яулады. Өченче урынны Мөрәледән Наил Тимергалиев алды.

29 килограммга кадәр үлчәү авырлыгында да Кече Мәме егетләре сынатмады, Иван Токсаров беренче урынга чыкты. Мөрәледән Булат Сибгатуллин икенче, Азбабадан Раил Вәлиуллин өченче урыннарны бү­леште.

32 килограммга кадәр үлчәү авырлыгында Кошманнан Шәфкать Фәй­зуллин иң көчлесе булды. Икенче урын Кече Мәмедән Кирилл Козинга, өченче урын Азбабадан Тимур Вәлиуллинга бирелде. Тимур турнирда катнашучы иң яшь кө­рәш­че буларак та оештыручылар тарафынна бүләк­ләнде.

36 килограммга кадәр үлчәү авырлыгында җи­ңү Олы Кайбыч егетләренә елмайды. Рәдиф Зиннәтҗанов беренче, икенче урынны Данис Аб­дул­хәи­ров, өченче урын­ны Ранил Абдуллин яулады.

40 килограммга кадәр үлчәү авырлыгында Ке­че Мәмедән Владислав Филипповка тиңнәр булмады. Ул, оста көрәш алымнары күрсәтеп, көндәш­лә­рен җиңүгә иреште. Икенче, өченче урыннарны Азбабадан Илнур Сә­лимгәрәев белән Алмаз Хәйруллин бүлеште.

45 килограммга кадәр үлчәү авырлыгында Мәл­кидән Василий Воробьев җиңү яулады. Икенче, өченче урыннар Кече Мәмедән Дмитрий Майданов һәм Тимур Калдинга бирелде.

50 килограммга кадәр үлчәү авырлыгында Олы Кайбычтан Илнур Хикмәтуллин - беренче, Мәл­кидән Дамир Хәбибуллин - икенче, Кече Мәмедән Артем Ворожейкин - өченче урынны алды.

55 килограммга кадәр үлчәү авырлыгында Олы Кайбычтан Марсель Сәй­фуллин җиңү яулады. Ул оста техник көрәш күрсә­теп, барлык көндәшләрен җиңә алды. Икенче урынны Кече Мәмедән Денис Старшов яулады. Өченче урын Мәлкидән Антон Галкинга бирелде.

65 килограммга кадәр үлчәү авырлыгында Мәл­кидән Павел Горшков иң көчлесе иде. Икенче, өченче урыннарны Кече Мәмедән Владимир Ворожейкин һәм Иван Дунаев бүлеште.

65 килограммнан югары үлчәү авырлыгында Олы Кайбычтан Наил Гарәфетдинов беренче урынны алды. Икенче урынны Кече Мәмедән Андрей Токсаров яулады. Өченче урын Олы Кайбыч мәк­тәбеннән Ильмир Гашыйгуллинга бирелде.

Азбабадан Тимур Вәлиуллин турнирда катнашучы иң яшь көрәшче буларак оештыручылар тарафынна бүләкләнде. Олы Кайбычтан Марсель Сәй­фуллин техник яктан иң ос­та көрәшче буларак бүләккә ия булды. Шул ук мәк­тәптән Айдар Сибгатуллин җиңүгә омтылышы өчен бүләк алды.

Турнирның баш хөкемдары Вячеслав Фомин, ке­ләм­дә хөкемдар, шулай ук Кече Мәме авылында татарча көрәш буенча тренер Валерий Фомин һәр көрәшченең чыгышын гадел һөкем итте.

Командалар арасында Кече Мәмелеләр беренче, Азбаба командасы икенче, кайбычлылар өченче урынны яулады. Шулай итеп, Николай Фомин истәлегенә үткән беренче турнирның күчмә кубогы келәм хуҗаларында калды. Җиңүчеләргә, призлы урыннарны яулау­чыларга Фоминнар әзер­ләгән махсус медальләр, Мактау кәгазьләре, истәлекле бүләкләр тапшырылды.