Балачак иле – бәхет иле булсын

Бүлектә мөдир, социаль эш буенча белгеч, психолог һәм педагоглар эшли. Эшчәнлегебезнең әһә­мият­ле юнәлешләренең берсе - балигъ булмаган балалар яшәгән гаугалы һәм авыр хәлдәге гаилә­ләрне ачыклау, балаларның тормышы һәм үсеше өчен шартлар тудыру. Клиентларыбыз - үз проблемаларын үзләре хәл итә алмаган, балаларга карата рәхимсез мөнәсә­бәт­тә булган, исерткеч эчемлекләр бе­лән мавыккан ата-аналар һәм аларның балалары. Төп максаты - гаиләгә һәм балаларга комплекслы яр­дәм күрсәтү. Кичке рейдлар, әңгәмәләр үткә­рү, матди ярдәм һәм посо­бие­ләр билгеләү буенча консультацияләр би­рү, гаилә­ләр­гә киң җәмәгатьчелек, район балигъ булмаган балалар белән эшләү һәм аларның хокукларын яклау комиссиясе, опека органнары вә­килләре бе­лән бергәләп бару, социаль яклауга мохтаҗ гаилә­ләрне ачыклау - төп эш­чән­легебез. Аз керемле гаиләләрдә тәр­бияләнү­че, сәламәтләндерүгә мох­­таҗ балаларга ел дә­вамында санаторий-лагерьларда дәвалану һәм ял итү мөмкинлеге бирелә, төрле акцияләр үт­кә­релә. "Мәктәпкә җые­нырга яр­дәм ит!", "Әнием пешергән пирог", "Балаларга уенчык бүләк итик" - шундыйлардан.

Профилактика органнары белән берлектә сәла­мәт яшәү рәвешен пропагандалау, гаиләдәге ни­заглы хәлләрне бетерү, анда яхшы атмосфера тудыру һәм бала - ата-ана мөнәсәбәтен җай­га салуга юнәлдерелгән "тү­гәрәк өстәлләр" уздырыла, дин әһелләре белән очрашулар оештырыла.

Гаиләләрнең тормыш шарт­лары, яшәү рәвешләре белән танышып кайтканнан соң, алар хакында район балигъ булмаган балалар белән эшләү һәм аларның хокукларын яклау комиссиясенә мәгъ­лүмат бирәбез. Ата-аналар реабилитация үтәргә тиеш, дип санаган очракта, гаиләне ведомствоара патронажга кую, балаларны вакытлыча приютка урнаштыру, әти-әниләргә карата чаралар күрү мә­сьә­ләсе хәл ителә.