Муниципаль район Уставында үзгәрешләр

Беренче мәсьәлә буенча чыгыш ясаган башкарма комитетның оештыру-хокук бүлеге начальнигы Айдар Сибгатуллин депутатларга "Кайбыч муниципаль районы" Уставына кертелүче үзгәрешләрнең 2003 елның 6 октябрендә кабул ителгән "Россия Федерациясендә җир­ле үзидарәне оештыруның гомуми принциплары турында"гы 131-ФЗ" ның аерым нигезләмәләренә кертел­гән үзгәрешләргә бәйле булуын аңлатып үтте. Мисал өчен, җирле дәрәҗә­дәге автомобиль юллары буенча юл эшчәнлегенә караган 6 нчы маддәнең 1 нче өлешендәге 4,5 нче пунктларны, шулай ук муниципаль район территориясендә халыкка медицина ярдәме күрсәтү өчен шартлар тудыру хакындагы 12 нче пунктны үзгәртү һәм аларга өстәмәләр кертү тәкъ­дим ителгән. Район Советы депутатының вакытыннан алда вәкаләтләрен калдыру турындагы 35 нче маддә дә үзгә­реш­ләр кичерде. 38, 40, 45 нче маддәләр "Риш­­вәтчелеккә каршы чаралар турында"гы 273 нче федераль закон положениеләре белән тулыландырылды. 52 нче мад­дәгә Контроль-хисап палатасы эш­чәнлеге һәм вәкаләтләре буенча үзгә­реш­ләр кертелде. Кайбыч муниципаль районының Со­вет аппараты җитәкчесе Рамилә Айзатуллова "Татарстан Республикасы Кайбыч муниципаль районында муниципаль хез­мәт турындагы положе­ние"­нең 2,5 нче маддәсендәге үзгәрешләре бе­лән таныштырды.

Үзгәрешләр бишенче, җи­денче, сигезенче абзацларга кертелгән. Аларда югары, баш, әйдәүче һәм өлкән группа вазифалар өчен муниципаль хезмәткәр ия булырга тиешле белем һәм күнек­мәләр тәгаенләнә, класслар һәм квлификацион разрядлар бирү, квалификацион имтихан тапшыру тәртибе аңлатыла. Аппарат җитәкчесе үз чыгышында ел саен бирелүче түләнә торган ял мәсьә­ләсенә кертелгән үзгә­решләр белән дә таныштырды һәм Муниципаль хезмәт­кәрләргә класс чины бирү тәртибе турындагы положениене раслауны тәкъ­дим итте. Көн тәртибен­дәге дүртенче мәсьәлә буенча башкарма комитет җи­тәк­чесе Алексей Макаров чыгыш ясады. Ул депутатларны "Татарстан Республикасы Кайбыч муниципаль районының 2012 елга һәм 2013 һәм 2014 еллардагы план чорына бюджеты турында"гы Совет карарына кертелүче үзгәрешләрне яклауларын сорап мө­рәҗәгать итте. Өстәмә бюджет чаралары Торак-коммуналь хуҗалыкның административ бинасын ремонтлау, Кошман, Кече Мәме, Колаңгы тимер юл станциясе, Зур Урсак торак пунктларында таштан юл салу, Кошман, Бәрлебаш гомумбелем бирү мәктәпләренә интерактив такталар сатып алу өчен кирәк.