Россия көне белән!

"Бу көнне илебез бөтен халык бәйрәмен - яңартылган дәүләтчелегебезнең, тынычлык һәм татулык, төрле буын вәкилләренең, милләт­ләрнең һәм мәдәниятләрнең Ватан азатлыгы һәм бәйсезлеге хакына ирекле берләшүе символына әверелгән Россия көнен билгеләп үтәчәк. Без барыбыз да мул, имин илдә яшәргә телибез. Татарстанның, Кайбычыбызның язмышы аның яңарып килгән Россиядә тоткан урыны фәкать үзебезгә, безнең актив гражданлык позициясенә, булдыклылыкка, башкарган эшләребезгә, туган җиребезгә булган мөнәсәбәтебезгә бәйле. Безнең күпмилләтле халкыбыз бәхетле тормышка һәм матур киләчәккә лаек. Бәйрәм белән сезне, хөрмәтле кайбычлылар! Сезгә тыныч-имин тормыш, киләчәккә ышаныч, эшегездә уңышлар, гаиләгезгә бәхет һәм исәнлек-саулык, тормышка мәхәббәт телим".