Татарстанда, шул исәптән Кайбыч районында, 15 апрельдән 14 майга кадәр юлларда авыр йөк ташучы транспорт чаралары хәрәкәтенә вакытлыча чикләүләр кертелә.
Әлеге чараның максаты - төбәк һәм муниципальара, җирле әһәмияттәге автомобиль юллары өслеген саклау. Язгы чорда транспорт чарасы күчәренә төшә торган иң зур авырлык күләме бер күчәрле арбага - 6, ике күчәрлегә - 5, өч күчәрлесенә - 4 тонна итеп билгеләнгән.Хәрәкәтне чикләү азык-төлек продуктлары, дару препаратлары, орлык фонды, ашламалар, ягулык ташый торган, йөк авырлыгы 16 тоннадан артмаган, шулай ук табигый бәла-казалар яисә башка гадәттән тыш хәлләр нәтиҗәләрен бетерү өчен йөк ташуга, халыкара йөк ташуларга һәм пассажирлар ташучы автобусларга кагылмый.
Нет комментариев