Кайбыч районында иң матур бакча кемнеке? Аны газета укучылар билгели!
Әлеге фотоны Чүтигә баргач төшереп кайткан идек. Данлыклы Чүти авылының мәчете бу. Гаҗәеп матурлык, килешәсездер?! Авылларга барган саен зәвык белән эшләнгән матур-матур өйләрне, шау чәчәккә күмелгән бакчаларны күреп сокланып кайтабыз. Олы Кайбычны инде әйткән дә юк - елдан-ел матурлана. Соңгы елларда Кайбычыбыз тамырдан үзгәрде. Чәчәкләргә караган саен, кәеф күтәрелә. Җәй...
Хөрмәтле газета укучыларыбыз, уйлаштык-уйлаштык та, өр-яңа бәйге игълан итәргә булдык. Без аны "Өйалдыбыз - гөлбакча" дип атарга булдык. Сездән фотографияләр көтеп калабыз. Чәчәк бакчаларыгызны фотога төшереп, редакциябезнең электрон почтасына җибәрегез. Без аларны билгеле бер көнне (фотолар ничек килүгә карап) сайтыбызга эләчәкбез. Ә җиңүчене укучыларыбыз билгеләячәк, ягъни сайтыбызга кереп, һәркем үзе ошаткан фотога тавыш бирә алачак. Иң күп тавыш җыючы фотоның авторын (бакча хуҗаларын!) газетага язачакбыз. Фотография җибәргәндә авылыгызны, тулы исем-фамилиягезне һәм телефоныгызны язарга онытмагыз. Әйдәгез, кайсыгыз беренче?!
Следите за самым важным и интересным в Telegram-каналеТатмедиа
Нет комментариев