«Тамчы-шоу»да – Олы Кайбыч укытучылары
Бәйгеләрдә катнашу һөнәри осталыкны арттыра, киләчәктә иҗади эшләү өчен гүя канатлар куя. Район мәктәпләрендә балаларга белем бирүче укытучыларның төрле дәрәҗәдә үткәрелгән бәйгеләрдә уңышлы чыгыш ясавы турында без газета укучыларыбызны әледән-әле таныштырып торабыз.
Олы Кайбыч урта гомумбелем бирү мәктәбе укытучылары "Татарстан - Яңа гасыр" телевидениесеннән алып барылучы "Тамчы-шоу" интеллектуаль-күңел ачу тапшыруына чакыру алган иде. Гадәттә бу тапшыру мәктәп укучылары арасында үткәрелә. Анда узган елларда Кайбыч мәктәбе укучылары да уңышлы чыгыш ясап кайтты. Ә менә чираттагысын Россиядә Укытучылар көне уңаеннан педагоглар катнашында уздырырга булганнар. Бу атнаның дүшәмбесендә мәктәп директоры Илмас Хәмидуллин җитәкчелегендәге "Яшьлек" укытучылар командасын тапшыруга төшерделәр. Алар Лаеш районыннан килгән "Очкын" командасы белән тапкырлыкта, зирәклектә көч сынашты. Яраткан укытучыларына теләктәшлек белдерергә укучылары да барды. Әлеге тапшыруны 3 октябрьдә 15.30 сәгатьтә карый аласыз. 9 октябрьдә 10.30 сәгатьтә аны зәңгәр экраннарда кабатлап күрсәтәчәкләр.
Следите за самым важным и интересным в Telegram-каналеТатмедиа
Нет комментариев