Башкортстанның Гафури районында «Лада Приора» автомобиленең балигъ булмаган йөртүчесе атны бәрдергән.
Авария нәтиҗәсендә өч кеше зыян күргән. Бу хакта «Башинформ» агентлыгы Башкортстан Дәүләт автоинспекциясенә сылтама белән хәбәр итә.
Авария Архангел — Красноусол автомобиль юлының 36нчы чакрымында килеп чыккан. Машина атны бәрдергәннән соң юл читенә төшеп киткән.
Юл-транспорт һәлакәте нәтиҗәсендә машина йөртүче һәм аның 18 яшьлек ике пассажиры зыян күргән. Аларны хастаханәгә озатканнар.
Әлеге факт буенча тикшерү үткәрелә, авариянең барлык сәбәпләре ачыклана.
Нет комментариев