Көз җиткәч, ремонтлант кура җиләгенең уңышы җыелып барылып, яфраклары коелгач, аны кышка әзерләргә кирәк.
Бу җиләктән киләсе елда да күп итеп уңыш алуның үз кагыйдәләре бар.
Җир белән тигезләп кисү: Гадәттә, сабакларны җир белән тигез калдырып кисәләр. Төбен биегрәк калдырырга ярамый. Алайса анда төрле инфекцияләр эләгергә мөмкин. Тулысынча киселгән кура җиләге яз көне яңадан үсеп чыгып, август айларында мул уңыш бирә башлаячак.
Ике тапкыр уңыш алу сере: Әгәр дә җәй уртасында ук җиләк ашыйсыгыз килсә, көзен берничә сабакны җирдән 1–1.20 метр биеклектә калдырып кисегез. Алар иртәрәк ботаклар җибәреп, җәй уртасында ук җиләк бирәчәк. Уңышын бирү белән, бу ботакларны көзен төбеннән үк кисеп ташлыйсыз.
Какларны сирәкләтү: Яз көне төпләрдән яңа үсентеләр күпләп үрчеп чыга. Артык куе булмасын һәм уңышны әйбәт бирсен өчен, һәр төптә 5–6 иң куәтле үсенте җепне генә калдырыгыз. Калганнарын аерып алып, бүтән урынга күчереп утыртырга мөмкин.
Кышка каплау: Ремонтант кура җиләгенең тамырлары җир өслегенә якын урнашкан. Кар яумыйча гына каты суыклар башланса, алар өшергә мөмкин. Шуңа күрә кискәннән соң, җиләк төпләрен черемә, коры яфраклар яки чәчәк сабаклары белән каплап калдырыгыз.
Чыганак: https://vk.ru/club234408199
Нет комментариев