Кайбыч таңнары
  • Рус Тат
  • Халык тавыш бирүе

    Узган атнаның җомгасында Тәтештә 45нче Апас бермандатлы сайлау округыннан дүртенче чакырылыштагы ТР Дәүләт Советына өстәмә рәвештә депутат сайлауга кандидат тәкъдим итү өчен кандидатураларны билгеләү буенча очрашу, тавыш бирү узды.

    Анда Кайбыч муниципаль районыннан 50дән артык кеше катнашты, аларның яртысы "Бердәм Россия" сәяси партиясен­нән, икенче өлеше Бөтенроссия халык фронтының региональ координацион Советының җәмә­гать оешмаларыннан иде.

    Советның җаваплы ое­ш­тыручысы Василий Логинов белдерүенчә, алдан тавыш бирүдә катнашучы кандидатларның исемлеге Совет тарафыннан аның составына керүче оешмаларның карарлары нигезендә төзелгән. Кандидатлар өчен 200 кеше тавыш бирә.

    45нче Апас бермандатлы сайлау округы буенча халык сайлауларында "Транспорт корылмаларын проектлау институты" ЯАҖенең юридик бүлек начальнигы Ольга Архипова, Казан (Идел буе) федераль университеты ректоры Илшат Гафуров, "Легион" ҖЧҖе директоры урынбасары Айдар Җәләлетдинов катнашты.

    Аларның һәркайсы үзе турында сөйләде, программасын тәкъдим итте һәм сорауларга җавап бирде.

    Үз приоритетлары арасында Ольга Архипова халыкны хокукый агартуга аерым игътибар бирде. "Гади мисал: хәзерге вакытта авыл хуҗалыгы продукциясен җитештерүчеләргә дәү­ләттән бирелүче акчалата ярдәм алуның күптөрле вариантлары бар, - диде ул. - Әм­ма, өстенлекләрдән файдалану өчен закон нормаларын тирән белү ки­рәк. Шуңа да мин түләү­сез юридик ярдәм күрсәтү турындагы закон проектын яклыйм. Республика парламенты депутатының бурычы законнарны чыгару һәм кабул итү бе­лән генә чик­ләнми, аның асылын халыкка аңлатырга да кирәк". Ольга Архипова билгеләвенчә, кабул ителгән законнарның гамәлгә ашырылуына пар­ламентарийлар кү­зәт­че­лек иткәнлектән, депутат халык белән даими тыгыз элем­тәдә булырга бурычлы.

    Илшат Гафуров Алабуга шәһәре мэры постында алган тәҗрибәсе хакында сөйләде. Билгеле бер райондагы халыкның мән­­фәгатьләрен яклауны шул муниципаль берәмлекнең үзенчәлекләренә таянып башкарырга кирәк дигән фикердә ул. "Яңа дәрәҗәгә күтәрерлек үзен­чәлекне аерып алу зарур, - ди ул. - Сайлауларда катнашучы районнарның күпчелеге - авыл хуҗалыгы районнары. Аларның һәркайсының үз тарихы бар. Безгә үткән­нәр­не кабатлау кирәкми, тәҗрибәне өйрәнеп, аңа таянып, көчне шунда юнәлтергә кирәк. Алабугада икътисадый зона булдыру әнә шундый үзен­чәлекле адым иде".

    ТИСБИ Идарә академиясен тәмамлаган Айдар Җәләлетдинов коммерция структурасын җитәкли, "Эшлекле Россия" җә­мәгать оешмасының әгъ­засы булып тора. "Без чималга гына түгел, җи­тештерүне, кече һәм урта эшмәкәрлекне үстерүгә игътибарны арттыру ягында, - дип билгеләде ул. - Безнең оешма эшмәкәр­ләрнең мәнфәгатьләрен яклый, район-шәһәрләр­дә эш урыннары булдыру, җирле эшмәкәрлекне яклау өчен эшли".

    Чыгышлар тәмамлангач, яшерен тавыш бирү үт­кәрелде. Һәркем бюллетеньгә кертелгән һәр кандидатура буенча тавыш бирү хокукына ия булды.

    Нравится
    Поделиться:
    Реклама
    Комментарии (0)
    Осталось символов: