Ноябрьдә Татарстан халкы башка Россиялеләргә караганда күбрәк ял итәчәк.
Федераль җитештерү календаре буенча, ноябрьдә 20 эш көне һәм 10 ял көне булачак. Шуларның тугызы — шимбә һәм якшәмбегә туры килә. Моннан тыш, Халыклар бердәмлеге көне — 4 ноябрь дә ял көне була.
Татарстан халкы исә шулай ук 6 ноябрьдә дә ял итәчәк. Бу көнне Татарстан Республикасы Конституциясе көне билгеләп үтелә. Димәк, республика халкы ноябрьдә 11 көн ял итәчәк. Моннан тыш, бәйрәм алдыннан килүче көннәрдә — 3 һәм 5 ноябрьдә эш көне бер сәгатькә кыскартылачак.
Нет комментариев